Psixoloq Elnarə Babayeva

Elnarə Babayeva psixologiya sahəsində ixtisaslaşmış təcrübəli psixoloqdur. O, bakalavr və magistratura təhsilini Ümumi Psixologiya üzrə almışdır. Bundan əlavə, Pennsilvaniya Universitetindən Pozitiv Psixologiya Sertifikatı və Harvard Tibb Məktəbindən Autizmli Yetkinlər üçün Klinik Qayğı Sertifikatı əldə edib. Mütəxəssis olduğu sahələr stressin idarə olunması, depressiya, panik atak, posttravmatik stres pozuntusu, sosial fobiya və digər narahatlıq pozuntularını əhatə edir. O, həm akademik tədqiqatlara, həm də praktiki təcrübəyə əsaslanaraq insanlara psixoloji dəstək göstərməyi və onların rifahını yaxşılaşdırmağı hədəfləyir. Beynəlxalq və yerli konfranslarda iştirak etmişdir.Psixologiya sahəsində elmi məqalələrin müəllifidir .Texnologiyanın psixologiyaya inteqrasiyası sahəsində innovativ addımlar ataraq, bir sıra süni intellekt əsaslı psixoloji və psixososial dəstək layihələrinin müəllifidir. TEKNOFEST İstanbul 2025 "İnsanlık Yararına Teknoloji Yarışması"nın "Afet Yönetimi" kateqoriyası (Üniversite ve üzeri seviyesi) üzrə hazırladığı "Afet Sonrası Psikososyal Destek Platformu" layihəsi ilə festivalın finalisti olmuşdur. Bu layihə böhran və təbii fəlakət anlarında rəqəmsal texnologiyaların köməyi ilə insanlara ilkin və effektiv psixoloji yardımın çatdırılmasını hədəfləyir.